Almatyda taý shańǵysynan synaqtyq jarys ótedi
ALMATY. 18 qańtar. QazAqparat /Erlik Erjanuly/ - Qańtardyń 18-20 kúnderi Almatydaǵy «Shymbulaq» taý shańǵysy kýrortynda aqtyq synaq jarysy ótedi.
Onda 31 qańtar men 4 aqpan aralyǵynda 7-Qysqy Azııa oıyndarynyń baǵdarlamasy boıynsha taý shańǵysy saıystary bolady. Alǵashqy kúni sportshylar jattyǵý jasap, negizgi syndy 19-20 kúnderi ótkizedi. Oǵan almatylyq 30 sportshy qatyspaq. Olardyń arasynda Azııa oıyndarynda el namysyn qorǵaıtyn Dmıtrıı Koshkın, Alekseı Telmınov, Pavel Chernıchenko jáne Ekaterına Cherepanova men Lıýdmıla Fedotova bar. Jalpy Azııa oıyndarynda bas bapker Sergeı Chaadaev 8 sportshyǵa úmit artyp otyr. Olardyń beseýi Almaty qalasynan, al úsheýi Shyǵys Qazaqstan oblysynan. Ulttyq quramaǵa engen bul sportshylardyń beseýi erler arasynda, úsheýi áıelder arasynda baq synamaq.
