Almatyda taý bókterine 16 sm qar tústi
ALMATY. QazAqparat - Almatyda jaýǵan jaýynnyń arty qarǵa ulasty, dep habarlaıdy QazAqparat tilshisi.
Keshe túngi 22.00-de bastalǵan jaýyn-shashynnyń arty qarǵa ulasty. Taýly jáne taý bókterlerindegi aımaqtarǵa 16 sm, al qalaǵa 10 sm qar tústi.
Qar jaýa bastaǵan sátten kóktaıǵaqtyń aldyn alý úshin taý bókteri men taýly aýdandarda muz eritetin untaq sebildi, jaýǵan qar sypyryldy.
Qalada silbi qardan qulaǵan butaqtardy jınaý jumysy júrip jatyr.
Tazartý jumysyna 537 tehnıka, onyń ishinde 117 qumlaqtyrǵysh pen 1073 jol jumysshysy jumyldyryldy.
Aýdan ákimdikteri men qala ákimdiginde qar tazalaý jumysyn baqylaıtyn kezekshilik táýlik boıyna uıymdastyryldy.
Qazgıdromettiń boljamy boıynsha 23 qazanǵa qaraǵan túnniń birinshi jartysyna deıin jaýyn-shashyn saqtalady.
Búgin kúndiz aýa temperatýrasy: + 2 +4 gradýs, túnde -1, -3.
Erteń kúndiz +8 +10 gradýs jyly bolady
