Almatyda taý bókterinde 35 sm qar tústi
ALMATY. QazAqparat - Almatyda jaýǵan jaýynnyń arty qarǵa ulasty, dep habarlaıdy QazAqparat tilshisi.
Keshe túngi 03.50-de bastalǵan jaýyn-shashynnyń artynan 9.00-de taýly jáne taý bókterlerindegi aımaqtarǵa 15-35 sm, al qalaǵa 3-10 sm qar tústi.
Qalanyń joǵarǵy bóliginde kóktaıǵaqtyń aldyn alý úshin qar jaýa bastalysymen kóktaıǵaqqa qarsy materıaldar sebilip, qar sypyrý bastaldy.
Qala ortalyǵynda kóktaıǵaqqa qarsy materıaldar tańǵy saǵat 7.00-de sebile bastady.
1120 tonna kóktaıǵaqqa qarsy materıal paıdalanyldy.
Trotýarlardy, júrginshi aımaqtaryn, qoǵamdyq kólik aıaldamalaryn, turaq qaltalaryn qardan tazartý jumystary uıymdastyryldy.
Qar tazartý jumystaryna 545 tehnıka, onyń ishinde 190 qumlaqtyrǵysh pen 1492 jol jumysshysy jumyldyryldy.
Aýdan ákimdikteri men qala ákimdiginde qar tazalaý jumystaryn baqylaıtyn kezekshilik táýlik boıyna uıymdastyryldy.
