Almatyda taý bókteri órtendi
ALMATY. QazAqparat - Almaty mańyndaǵy taý baýraıynda qýraǵan aǵashtar órtendi, dep habarlaıdy QazAqparat tilshisi.
Almaty qalasynyń TJD málimetinshe, 5 qyrkúıekte saǵat 16:05-te Medeý aýdanynda qýraǵan aǵashtar órtengeni týraly aqparat kelip túsken.
«Oqıǵa ornyna 25 adam, 5 birlik tehnıka jiberildi. Taý bókterindegi órttiń jeke turǵyn úı sektoryna taralý qaýpi týyndady»,-dedi departamentten.
Aldyn ala málimet boıynsha órt oshaǵy 1,5 gektardy sharpyǵan.
Eske salsaq, jýyrda Almatynyń Medeý aýdanynda qýraǵan shóp órtenip, jalynnyń janarmaı quıý stantsııasyna taralý qaýpi týyndaǵan edi.