Almatyda taý baýraıyndaǵy qurǵaq shópten tutanǵan órtti sóndirýge eki tikushaq jumyldyryldy
Almaty TJD baspasóz qyzmetiniń málimetinshe, 25 shilde kúni keshki saǵat 20:00 shamasynda Medeý aýdanyndaǵy Qımasar shatqaly baýraıynda qurǵaq shóp janǵany týraly habarlama túsken.
«Oqıǵa ornyna TJD quramyndaǵy tabıǵı órtti sóndirý jıyntyq jasaǵy -100 adam, 14 tehnıka, onyń ishinde Іle Alataýy MUTP at patrýli – 60 adam, 109 qyzmeti jáne Qazavıaorman ınspektorlary dereý jiberildi.
Órtti sóndirýge TJM Qazavıaqutqarý «Mı-8 AMT» jáne Almaty qalasy ákimi apparatynyń 109 qutqarý qyzmetiniń árqaısysy 3 tonnadan sý quıý qurylǵylarymen jabdyqtalǵan eki avıaborty jumyldyryldy», - dep habarlady vedomstvodan.
Joǵary tik betkeıinen, túngi ýaqytta órt sóndirý tehnıkasy men avıaborttardy qoldaný múmkindigi bolmady, osyǵan baılanysty órt sóndirýshiler janyp jatqan jerge jaıaý kóterildi.
Oqıǵa ornyna kelgen órt sóndirý brıgasy 0, 06 alańda qurǵaq shóptiń janyp jatqanyn anyqtady.
Órt sóndirý úshin Ermak aspaly órt sóndirgishter, shantsty quraldar (shartyldaqtar, kúrekter) qoldanyldy. Órt tutanǵan aımaqtaǵy jer jyrtyldy.
«Taýly-ormandy jerde órt qaýpiniń joǵary bolýyna baılanysty qala turǵyndary men qonaqtaryn ashyq otty paıdalanýdan, ot jaǵýdan, temeki shegýden jáne qurǵaq shóp pen orylǵan shópti órteýden bas tartýdy suraımyz. ÁQBK 367-babynyń 3-bóligine sáıkes erekshe qorǵalatyn tabıǵı aýmaqtarda jasalǵan órt qaýipsizdigi talaptaryn buzý ákimshilik jaýapkershilikke tartýǵa ákep soǵady. Jeke tulǵalar 100 AEK mólsherinde aıyppul túrindegi jaýapkershilikke (300 myń teńge) tartylady. Tipti, qylmystyq jaýapkershilikke tartylýy múmkin»,- dep atap ótti qalalyq TJD baspsóz qyzmetinen.
