Almatyda taý baýraıynda 3 gektar qurǵaq shóp órtendi
ALMATY. QazAqparat - Almaty qalasynyń aýmaǵynda ornalasqan Іle-Alataý ulttyq parki, Baým toǵaıy jáne Medeý tabıǵı parkinde órt jıi bolyp turady. Bul týraly megapolıs halqymen kezdesý barysynda Tótenshe jaǵdaılar mınıstri ıÝrıı Ilın aıtty, dep habarlaıdy QazAqparat tilshisi.
«Máselen, bıyl 6 qyrkúıek kúni taý baýraıynda 3 gektar alqapta qurǵaq ósimdikter órtendi. Qatty jel men taýly jer bolǵandyqtan, órtti sóndirý qıyn boldy. Biraq bólimshelerdiń den qoıýy jáne órtti taktıkalyq sóndirýiniń arqasynda órttiń baqylaý alańyna jáne «Kók Tóbe» saıabaǵyna taralǵan joq. Osylaısha almatylyqtar men ońtústik astana qonaqtarynyń súıikti demalys ornyn saqtap qaldy»,- dedi mınıstr.
Aıtýynsha, jyl saıyn taýly-ormandy jerlerdegi órttiń aldyn alý, sondaı-aq olardy ýaqytyly sóndirý úshin mınıstrlik bólimsheleri birlesken mobıldi toptar qurady. Olar reıdter júrgizedi. Bıyl eki júzge jýyq reıd júrgizildi, 117 ot jaǵý oqıǵasyna jol berilmedi, barlyq kináli tulǵalar ákimshilik jaýapqa tartyldy. Qosymsha jıyntyq jasaq quryldy, ol tabıǵı órtterdi sóndirýge shuǵyl tartylady.
«Bólimshelerdiń kúshteri men quraldarynyń daıyndyǵyn tekserý úshin jyl saıyn orman sharýashylyǵy mekemelerimen órt-taktıkalyq oqý-jattyǵýlary ótkiziledi. Qabyldanǵan sharalar Almaty qalasyndaǵy tabıǵı órtterdiń (qurǵaq ósimdikterdiń janýy) sanyn 28,4%-ǵa azaıtýǵa múmkindik berdi, tıisinshe janý alańy 4 esege qysqardy»,- deıdi ıÝrıı Ilın.
