Almatyda tatýırovka festıvali ótedi
ALMATY. Tamyzdyń 25-i. QazAqparat /Erbol Turymbetov/ - Almatyda tamyzdyń 28-29 aralyǵynda tatýırovkadan tórtinshi respýblıkalyq festıval bolady,
dep habarlaıdy QazAqparat.
Sharanyń maqsaty dene sýreti sheberlerin áýelden Qazaqstan, odan soń Ortalyq Azııa tatýırovkashylar qaýymdastyǵyna jınaý. Shara barysynda qala turǵyndary bul ónerdiń qyr-syryn basynan aıaǵyna deıin kóre alatyn bolady.
Uıymdastyrýshylardyń aıtýynsha, bul festıval deneni sándeýdiń úlken dýmany bolady. Oǵan elimiz ben qatar, kórshi Ózbekstan men Qyrǵyzstannan da sheberler keledi dep kútilýde. Olardyń ishindegi úzdik týyndy salýshylar arnaıy dıplommen marapattalyp, olarǵa syılyqtar beriledi. Al Qazaqstannyń ozyq sheberlerine bolashaqta halyqaralyq festıvaldar men konkýrstarda qoldaý kórsetiledi.
