Almatyda tasymaldaýshylar jol apatyna aıypty adamdardy izdestirip jatyr
ALMATY. QazAqparat - Almatyda «Úsh Qońyr TransServıs» JShS ótkizgen baspasóz máslıhaty barysynda zańsyz tasymaldaýshylardyń jumysy jaıly aıtyldy, dep habarlaıdy QazAqpart tilshisi.
Kompanııa ókilderiniń aıtýynsha, jolaýshy tasymalymen zańsyz aınalysatyn kompanııalardyń kesirinen adam ólimi jıi kezdesedi.
1 shildede Jambyl oblysynyń Qordaı aýdanynda jolaýshylar avtobýsy apatqa ushyraǵan bolatyn. Jol apatynan 8 adam zardap shekti.
Bir áıel kóz jumdy. Onyń artynda eki balasy jetim qaldy.
«Bilgimiz keletini bir-aq nárse. Bul avtobýs qaıdan shyqty? Sońǵy jyldary Almaty bazarlarynda zańsyz jolaýshy tasymaldaýshylar kóbeıip ketti. Júrgizýshiler kóliginiń tehnıkalyq jaǵdaıyna mán bermesten, aýyr-aýyr júkterdi tıeıdi. Eshkim júrgizýshilerdiń densaýlyǵyn tekserip jatqan joq. Olar alys reısten kelip bar-joǵy eki saǵat uıyqtap alys jolǵa qaıta shyǵady», - dedi «Úsh Qońyr TransServıs» JShS ókili Medet Taýhan.
Onyń aıtýynsha, júrgizýshiler ár júk úshin 15 myń teńge kóleminde aqsha alady. Keı reısterde 60-qa jýyq júk tıep alady. ıAǵnı, bir avtobýs reısinde 600 myń teńge aqsha túsedi.
Tasymaldaýshy kompanııa ókilderiniń aıtýynsha, mundaı kólemdegi júk jolaýshylar avtobýsymen tasymaldanbaýy tıis.
«Mundaı tasymaldaýshylar qaladaǵy iri bazarlardyń mańynda adam jınaıdy. Biz barlyq atvovokzaldar men temirjol vokzaldaryn aralap, jolaýshy tasmaldaý erejelerin taratyp shyqtyq. Alaıda, júrgizýshiler erejelerge pysqyryp ta qaramaıdy. Jolaýshy tasymaldaıtyn avtobýstar júk tasymaldamaýy tıis», - dedi ol.
«Jeltoqsan kóterilisi» qoǵamdyq birlestiginiń tóraıymy Gúlnár Lepesbaı.
Qoǵamdyq birlestik ókilderi qalalyq ákimdikke zańsyz jolaýshylar tasymalyn zańdastyrýǵa usynys bildirgen. Alaıda quzyrly organdardan eshqandaı jaýap bolmaǵan.
Endi qoǵam belsendileri jolaýshylar tasymalyn retteıtin zań shyǵarý úshin halyq qalaýlylaryna usynys bildirmek.
Olardyń aıtýynsha, jaqynda Qordaıda bolǵan jol apatynda avtobýs júrgizýshisi byltyr da týra osyndaı jol apatyna tap bolǵan bolatyn. Byltyr jol apatynan 3 adam ólgen.
