Almatyda tasymaldaýshy kompanııanyń jabylýy týraly aqparat joqqa shyǵaryldy
ALMATY. QazAqparat - Almatyda «Tulpar-TsDS» tasymaldaý kompanııasynyń dırektory Asylbek Muhambetálıev kompanııanyń jumysy toqtatyldy degen aqparatty joqqa shyǵardy, dep habarlaıdy qalalyq ákimdiktiń baspasóz qyzmeti.
«Kompanııa jabylmaıdy. «Ońaı» júıesi shyqqanda, eń alǵash qoldaǵan da ózimiz bolatyn. Aqshasyz esep aıyrysý júıesin tolyǵymen qoldaımyz. Býhgalterııamyzdyń qalaı jumys istep jatqanyn kópshilik kórgeni durys. Biz tek óz qaltamyzdy ǵana oılamaımyz», - dedi A.Muhambetálıev. Aıta ketý kerek, keshe birneshe BAQ «Tulpar-TsDS» avtobýs parki eleknrondy bılettendirý júıesiniń engizilýine baılanysty jabylady degen aqparat taratqan bolatyn. Almatyda qoǵamdyq kólikte eletkrondy bılettendirý júıesin engizý tolyǵymen 2016 jyldyń 11 qańtarynda aıaqtalatyn bolady.
