Almatyda tasyǵan ózen sýy jol shetindegi ǵımaratty alyp kete jazdady
ALMATY. QazAqparat - Almatyda Qaskeleń ózeni sýy arnasynan asyp, jol shetindegi TQO ǵımaratyn alyp kete jazdady, dep habarlaıdy QazAqparat tilshisi.
Tótenshe jaǵdaı týraly «Qazseldenqorǵaý» memlekettik mekemesi habarlady.
«Búgin túski 15:55 shamasynda Almaty-Bishkek tas jolynyń 18 shaqyrymynda tótenshe jaǵdaı boldy. Sýy qatyp qalǵan Qaskeleń ózeni qaıta jibı bastady. Túbinde qalyń muz qatyp qalǵandyqtan, ózen sýy arnasynan tasyp, jol shetindegi TQO ǵımaratyn basyp qala jazdady»,- dedi mekemeden.
Qarasaı aýdandyq óndiristik eksplýatatsııalyq bóliminiń kúshimen ózen arnasy buryldy.
«Keshki 17:15 shamasynda ózen arnasynda qalyńdyǵy 50 sm, uzyndyǵy 12 metrge sozylǵan, jalpaqtyǵy 60 sm muz oıyldy, ózen sýy kedergisiz aǵyp jatyr», - dedi «Qazseldenqorǵaý» memlekettik mekemesinen.
Qazir tótenshe jaǵdaıdy atalǵan bólim qyzmetkerleri baqylaýda ustap otyr.
