Almatyda tastaıaqtan Qazaqstan chempıonaty bastaldy
ALMATY. 25 qańtar. QazAqparat /Erbol Turymbetov/ - Búgin Almatydaǵy «Bastaý» bılıard klýbynda tastaıaq oıynynyń «Qurastyrmaly pıramıda» túrinen Qazaqstannyń dástúrli 32 chempıonaty bastaldy.
Chempıonatty Qazaqstannyń bılıard sporty qaýymdastyǵy uıymdastyryp otyr. Jarysqa qatysýshy elimizdiń 12 oblysynan kelgen 128 sportshynyń ishinde 112-si - erler, qalǵan 16-sy áıel sportshylar bolyp otyr.
Bıylǵy chempıonatqa 2008 jáne 2009 jyldardaǵy Azııa jáne álem chempıondary Álıhan Qaraneev pen Áýez Elýbaevtar, 2010 jylǵy álem chempıony Ernar Shymbaev sekildi tastaıaqshylar qatysatyn bolady.
Saıystyń Bas tóreshisi Raıymjan Buzyrqojaevtyń aıtýynsha, qatysýshylarǵa jas aıyrmashylyǵynan shekteý qoıylmaǵan. Sondaı-aq qatysýshylardyń kóptigi men basqa da máselelerge baılanysty taǵy bir kúnge sozylýy múmkin.
Jalpy, chempıonattyń aqtyq oıyndary 28 qańtarda ótedi dep josparlanǵan.
