Almatyda tastaıaqtan el birinshiligi bastaldy
ALMATY. Qyrkúıektiń 21-i. QazAqparat /Erbol Turymbetov/ - Búgin Almatydaǵy «Bastaý» oıyn-saýyq kesheninde bılıardtan dástúrli HІІ el birinshiligi bastaldy, dep habarlaıdy QazAqparat.
Qazaqstan bılıard qaýymdastyǵynyń uıymdastyrýymen ótip jatqan komandalyq birinshilikke respýblıkamyzdyń barlyq aımaqtarynan sportshylar qatysýda. Olardyń ishinde Álıhan Qaraneev, Emıl Mýdrısov syndy áıgili tastaıaqshylar bar. Jarysqa jalpy sany 18 komanda baq synap jatyr.
Men Pavlodar qalasynan keldim. Byltyr Qazaqstannyń jasóspirimder birinshiligine qatysqanmyn. Al bıyl Aqtaýda ótken Qazaqstan kýbogynda da baq synadym. Endi osy birinshilikte myqty oıynshylarmen kezdesýdi qalaımyn. Maǵan eń bastysy utý emes, tájirıbe jınaý», deıdi 16 jasar Pavlodarlyq 10-shy synyp oqýshysy Azamat Áýbákirov.
Birinshilik osy aıdyń 24-ine deıin jalǵasady. Jarystyń bas tóreshisi - Buzyrhodjaev Raıymjan.
