Almatyda tártipsizdikterge qatysty degen kúdikpen ustalǵan azamat bostandyqqa shyqty

ALMATY. QazAqparat - Almatyda eki aıǵa qamaýǵa alynǵan almatylyq Tımýr Kım bostandyqqa shyqty. Bul týraly onyń advokaty Oleg Chernov Facebook paraqshasynda jazdy, dep habarlaıdy QazAqparat tilshisi.

Quqyq qorǵaý organdary buǵan deıin Tımýr Kımdi Almatydaǵy tártipsizdikterge qatysty dep kúdiktengen bolatyn.

«Tımýr Kım bosatyldy. Bizge senip, qoldaǵan barsha jandarǵa rahmet. Qalyptasqan aıyptaý pozıtsııasyna qarama-qaıshy, isti obektıvti túrde tergegen Bas prokýratýranyń vedomstvoaralyq jedel-tergeý tobynyń tergeýshisi Maksım ıÝsýpovqa erekshe alǵys aıtamyz. Kináliler jazasyn alýy kerek, biraq bul Tımýrǵa qatysy joq. Búgin balalary jáne áıelimen qaýyshty. Al, biz jumysty jalǵastyramyz», - dep jazdy Oleg Chernov.

Eske salsaq, buǵan deıin Almatyda tergeý ızolıatorynan 8 adam shyqqan bolatyn. Sondaı-aq, «Amanat» qoǵamdyq komıssııasynyń múshesi Ýaıs Ersaıynuly Facebook-te Tımýr Kımnyń bostandyqqa shyǵatynyn jazǵan edi.