Almatyda tártip saqshylary zańsyz qoıylǵan 70 jarnama qondyrǵysyn áshkereledi
ALMATY. 16 mamyr. QazAqparat - Almatyda jyl basynan beri zańsyz qoıylǵan 70 jarnama qondyrǵysy anyqtaldy.
Ony jer qatynastary basqarmasynyń bólim bastyǵy Bolat Dúısenov búgin Almatydaǵy jarnama qondyrǵylaryn qaıta montajdaý týraly baspasóz máslıhatynda aıtty.
«2011 jyly 1346 jarnama nysandary esepke alynǵan bolatyn. Onda 659 jarnama qondyrǵysynyń ǵana jerdi ıelenýge zańdy qujattary bar bolsa, 697-si zańsyz ekeni anyqtaldy. Almatyda qazir ár apta saıyn 5-7 jarnama qondyrǵysy zańsyz qoıylýda. Olar turǵyndardyń ómirine de qaýip tóndirýde», - deıdi B.Dúısenov. Onyń aıtýynsha, 3 mamyr kúni Dostyq pen Qurmanǵazy kósheleriniń qıylysynda 700 kelilik bılbord avtokóliktiń ústine qulaǵan. Áıteýir adam shyǵyny bolǵan joq. Degenmen mundaı jaǵdaı endi qaıtalanbaıtynyna eshkim kepildik bere almaıdy. Sondyqtan jer qatynastary basqarmasynyń zańgerleri zańsyz qoıylǵan 274 bılbord formatyndaǵy jarnama qondyrǵylaryna qatysty sotqa aryz túsirgen. Qazir onyń 113-ine shyǵarylǵan sot úkimi kúshine endi.
Eger 26-26 mamyr aralyǵynda ruqsat qujattary joq jarnama qondyrǵylarynyń ıeleri qaıta montajdamasa olar qalalyq quzyrly qyzmet kúshterimen joıylyp, ıeleri zań boıynsha jaýapkershilikke tartylady
