Almatyda tárkilengen 250 mln teńgeniń kıim-keshegi muqtaj otbasylarǵa úlestirildi
NUR-SULTAN. QazAqparat – Almatyda muqtaj otbasylarǵa kıim-keshek úlestirildi, dep habarlaıdy QazAqparat QR QM Qarjy monıtorıngi komıtetiniń baspasóz qyzmetine siltememen.
«QR QM Qarjy monıtorıngi komıtetiniń Almaty qalasy boıynsha Ekonomıkalyq tergeý departamentiniń qyzmetkerleri Memleket basshysy bastama bergen #BIZBIRGEMIZ jalpy respýblıkalyq aktsııasy sheńberinde jáne tótenshe jaǵdaı kezinde kómek qajet etetin januıalardy qoldaý maqsatynda 250 mln. teńgeden asatyn zattyq aıǵaq retinde tárkilengen kıim keshekterdi úılestirip berdi» delingen habarlamada.
Málimetke saı, balalar kıimderi, aıaq kıimder, sporttyq kostıýmdar, fýtbolkalar ekonomıkalyq kontrabanda boıynsha qozǵalǵan qylmystyq ister aıasynda tárkilenip, sottyń úkimimen memlekettiń menshigine ótken bolatyn.
Barlyq kıim-keshek balalar úılerine jáne qıyn jaǵdaıda qalyp, kómek kútip otyrǵan januıalarǵa úlestirildi.
