Almatyda tarıhı ortalyqtyń shekarasy belgilendi
Spıkerdiń sózinshe, Almaty qalasynyń tarıhı ortalyǵynyń shekarasyn belgileý máseleleri basqarmanyń erekshe baqylaýynda.
«Núkteli qurylys salýǵa jol bermeý maqsatynda tarıhı ortalyqtyń shekarasy belgilendi, onyń sheginde memleket muqtajy úshin alyp qoıýǵa jáne satyp alýǵa jatatyn 7 ýchaske anyqtaldy. Olardyń ornynda abattandyrý, kógaldandyrý jumystary júrgiziledi. Qazirgi ýaqytta 4 jer ýchaskesi satyp alyndy», - deıdi Ardaq Samambetov.
Sonymen qatar, ol emhana salý maqsatynda Levıtan kóshesiniń ońtústiginen, Gagarın dańǵylynyń batysynan jer ýchaskesi tárkilengenin atap ótti.
«Sonymen qatar, halyqty sapaly medıtsınalyq qyzmetpen qamtamasyz etý úshin ál-Farabı dańǵylynyń ońtústigine qaraı jáne Syrǵabekov kóshesiniń shyǵysyna qaraı 500 kelýshige arnalǵan emhana salý úshin 1,3 gektar jer telimi bólindi. Shyǵys aınalma joly, ál-Farabı dańǵyly, Saın kóshesi, Jandosov kóshesiniń ońtústigine qaraı aýyl sharýashylyǵy maqsatyndaǵy jer telimderin bólýge jáne taý bókterinde az qabatty úıler salýǵa tyıym salynady», - deıdi ol.
Brıfıng barysynda memlekettik jer qoryn ulǵaıtý maqsatynda jalpy aýdany 19,54 gektar 22 jer ýchaskesi rezervke qoıylǵany belgili boldy.
«2022 jyldyń sońyna deıin Seıfýllın dańǵyly men Jansúgirov kóshesiniń qıylysynda kólik aıyryǵyn salý, sondaı-aq Saın kóshesin Rysqulov dańǵylynan Móńke bı kóshesine deıin uzartý jáne Abaı dańǵylyn qala shekarasyna deıin sozý (Abaı saıajaılary) jobasy boıynsha jer telimderin satyp alýdy aıaqtaý josparlanýda»,- deıdi basqarma basshysy.
Al, 2023 jyly Medeý aýdanynda Rysqulov dańǵyly boıyndaǵy aınalmaly estakada qurylysyna, ıAssaýı kóshesinen qala shekarasyna deıin Tóle bı kóshesin uzartýǵa, F. Ońǵarsynova kóshesinen qala shekarasyna deıin Rysqulov dańǵylyn uzartý úshin, Momyshuly kóshesinen qala shekarasyna deıin Jubanov kóshesin uzartýǵa jáne «Qalqaman» stantsııasy boıynsha jer telimderin satyp alýdy aıaqtaý kózdelgen.
