Almatyda «Tarıhı-mádenı mura jáne ulttyq sana» degen taqyrypta alqaly jıyn ótedi
ALMATY. Sáýirdiń 10-y. QazAqparat /Erlik Erjanuly/ - Almatyda sáýirdiń 14-i kúni «Tarıhı-mádenı mura jáne ulttyq sana» degen taqyrypta «Taǵylym» mádenı-ıntellektýaldyq klýbynyń kezekti jıyny ótedi,
dep habarlaıdy QazAqparat.
Mádenı saıasat jáne ónertaný ınstıtýtynyń janynan ashylǵan «Taǵylym» mádenı-ıntellektýaldy klýbynyń bul jolǵy basty qonaǵy Qaraǵandy oblysy Ulytaý aýdanynyń ákimi Berik Baqytuly Ábdiǵalıevbolmaq. Uıymdastyrýshylardyń aıtýynsha, tarıhı-mádenı rýhanı muralarymyzdy túgendep, esepke alyp zertteý halyq sanasynda maqtanysh sezimin uıalatyp, ulttyq sana-seziminiń kóterilýine kóp áserin tıgizýde. Jalpy Qazaqstannyń búgingi ómiri men onyń jan-jaqty damý perspektıvalaryn mádenı murasyz elestetý múmkin emes. Mádenı mura sana-sezimdi qalyptastyrý negizderiniń biri, izgilik pen otanshyldyq qundylyqtar sabaqtastyǵyn ornyqtyrýda zor qoldaýǵa ıe. Mádenı muranyń ekonomıkalyq resýrsyn jumyldyrý - eldi qaıta jandandyrýdyń negizi.
