Almatyda tapshy dárilerdi satqan dáriger ustaldy
ALMATY. QazAqparat– Almaty oblysy aýdandarynyń birindegi aýrýhanada halyqqa tapshy dárilerdi satqan jansaqtaý bóliminiń meńgerýshisi ustaldy, dep habarlaıdy QazAqparat tilshisi.
«Almaty qalasynyń krımınaldyq polıtsııasyna jedel aqparat kelip tústi. Osydan keıin dáriger Raıymbek pen S.Seıfýllın dańǵyldarynyń qıylysyndaǵy arnaıy is-shara kezinde ustaldy. Jeke tekserý barysynda «Sevoflýran», «Tseftrıakson», «Meobaktrın», «Albýnorm», «Neotsıtotekt», «Oktagam», «Arhımaks», «Meropenem», «Godovıst» jáne «Propofol» sııaqty 90 flakon dári alyndy», –dep habarlady Almaty qalalyq PD baspasóz qyzmeti.
Snymen qatar, izdestirý sharalary kezinde dárigerdiń buryn satylǵan dári-dármekterden túsken 1 mln 370 myń teńge anyqtalǵan.
Atalǵan fakti boıynsha sotqa deıingi tergeý amaldary júrgizilip jatyr.
