Almatyda tapansha ustap júrgen er adamnyń kim ekeni anyqtaldy
ALMATY. QazAqparat – Almatyda tapansha ustap júrgen er adamnyń kim ekeni anyqtaldy, dep habarlaıdy QazAqparat tilshisi
Qolyna tapansha ustaǵan er adamnyń vıdeosy áleýmettik jelilerde paıda boldy. Beınejazbada onyń Úlken Almaty kanaly, Soltústik aınalma jolynyń aýmaǵynda túsirilgeni aıtylǵan.
Qalalyq Polıtsııa departamentiniń málimetinshe, Alataý aýdandyq polıtsııa basqarmasynyń qyzmetkerleri vıdeodaǵy er adamnyń kim ekenin birden anyqtady. Ol 1992 jyly týǵan Sh. esimdi azamat. Ol buzaqy retinde polıtsııa esebinde turǵan jáne ishimdikke salynǵan.
«Tekseris barysynda kúdiktiniń qolynda oıynshyq tapansha bolǵany anyqtaldy. Sondaı-aq, Sh. esimdi azamatty vıdeoǵa túsirip jatqan kezde ol mas bolǵan. Onymen quqyqtyq túsindirý jumystary júrgizildi», - dep túsindirdi Almaty qalasy Polıtsııa departamentiniń baspasóz qyzmeti.
