19:12, 10 Maýsym 2021 | GMT +5
Almatyda tapa-tal túste jas qyzdy tonap ketken jigit ustaldy
ALMATY. QazAqparat - Almatyda tapa-tal túste jas qyzdyń uıaly telefonyn tartyp alǵan jigit ustaldy, dep habarlaıdy QazAqparat tilshisi.

«Buryn habarlaǵanymyzdaı bul qylmysty ashý úshin tergeý-jedel toby qurylǵan bolatyn. Biz shabýyldaýshynyń kim ekenin tez anyqtadyq, alaıda ony ustaý úshin biraz ýaqyt qajet boldy. Búgin qalalyq krımınaldyq polıtsııanyń kómegimen ustadyq. Ol - 2003 jyly týǵan K. esimdi turǵyn. Kúdikti óz kinásin tolyǵymen moıyndap, uıaly telefondy satyp jibergenin aıtty. Qazirgi ýaqytta, zattaı aıǵaqtyń qaıda ekenin anyqtaý boıynsha is-sharalar kesheni júrgizilýde», - dedi Almaly aýdandyq polıtsııa basqarmasynyń bastyǵy Esen Ysqaqov.
Kúdikti ýaqytsha ustaý ızolıatoryna qamaldy.
Qylmystyq is boıynsha QR QK-niń 191 babyna sáıkes tergeý amaldary júrgizilýde.
Eske salaıyq, kósheniń ortasynda qyzdy tonap ketken er adam vıdeoǵa túsip qalǵan bolatyn.