Almatyda tapa-tal túste bireýler balaly áıelge shabýyl jasady
ALMATY. QazAqparat – Almatyda er adam arbamen bala súıretken áıeldi tapa-tal túste tonap ketti, dep habarlaıdy QazAqparat tilshisi.
Qylmys deregi Saıahat mańyndaǵy aýlalardaǵy kameralardyń birine túsip qalǵan. Bul vıdeo áleýmettik jelide taralyp jatyr.
Beınekadrda túski 15:20 shamasynda basyna kepka kıgen er adam arbamen balasyn súırep bara jatqan áıeldiń artynan kep, tutqıyldan shabýyl jasaǵan. Ary qaraı ne bolǵany belgisiz.
Polıtsııa departamenti atalǵan vıdeo týraly tómendegideı túsinik berdi.
«Buzaqylyq týraly habarlama 15:40-ta kezekshi pýltine tústi. Jábirlengen áıeldiń aıtýynsha, qylmysker onyń moınyndaǵy altyn alqany alyp ketken. Jedel túrde oqıǵa ornyna jetken polıtsııa qyzmetkerleri mańaıdy tintip shyqty. Kúdiktiniń syrt belgileri partýl qyzmetterine taratyldy. Jetisý aýdandyq polıtsııasy arnaıy jedel-tergeý tobyn qurdy. Qazir birneshe kameradaǵy vıdeo is materıaldaryna tirkeldi. Kúdiktiniń kim ekendigi anyqtalyp jatyr. Bul derek QR QK 191-babymen tergeý isi reestirne tirkeldi», - dedi Polıtsııa Departamentiniń baspasóz qyzmeti.
