Almatyda tanysyn jer jastandyrǵan eki adam 17 jylǵa sottaldy
ALMATY. QazAqparat - Almatyda tanysyn jer jastandyrǵan eki adam 17 jylǵa sottaldy. Bul týraly qalalyq sottyń baspasóz qyzmeti habarlady.
Almaty qylmystyq ister boıynsha mamandandyrylǵan aýdanaralyq sotynda adam ólimine qatysty is qaraldy.
Іs materıaldaryna sáıkes, kúdikti er adam óziniń tanysyn tasa jerge shaqyrtyp, ishimdik ishkizgen. Óz kezeginde onyń tanysy kúdiktige belgili bir somaǵa avtobýsty berýge kelisedi.
Alaıda, ekeýiniń arasynda paıda bolǵan daý-janjaldyń arty tóbeleske ulasyp, kúdikti tanysyn óltiredi.
Osy iske qatysy bar ekinshi adam da ustaldy.
Kúdiktilerdiń ekeýi de QR QK 99-babynyń 2-bólimimen aıypty dep tanylyp, 17 jylǵa bas bostandyǵynan aıryldy.
