Almatyda tanysyn múshelep óltirgenderge qatysty qylmystyq is qaralýda
ALMATY. QazAqparat - Almatyda er adamdy múshelep óltirgenderge qatysty qozǵalǵan qylmystyq is áli qaralý ústinde, dep habarlaıdy QazAqparat.
«Almaty qalasynyń qylmystyq ister jónindegi mamandandyrylǵan aýdanaralyq sotynda A. jáne K.-ǵa qatysty qylmystyq is Almaty qalalyq prokýratýrasynyń arnaıy prokýrorlar basqarmasynyń jaýaby negizinde qaıta jalǵastyryldy. Buǵan deıin sottalýshylar tarapynan sotqa deıingi tergep-tekserý biryńǵaı tizilimine tergeý barysynda ruqsat etilmegen tásilder qoldanylǵany týraly shaǵym keltirilip, is ýaqytsha toqtaǵan. Sottalýshylar QR QK 99-babynyń 2-bóliginiń 7-tarmaǵy jáne 188-babynyń 2-bóligi, 1-shi tarmaǵy (adam óltirý, qujattardy zańsyz alý, jasyrý, uıymdasqan túrde qylmys jasaý) boıyna aıyptalyp otyr», delingen atalǵan sottyń saıtynda.
Eske sala keteıik, 7 qyrkúıek kúni Almatyda qoqys konteınerinen adamnyń basy men qol-aıaǵy tabylǵan. 1991 jyly týǵan R.Sıtaktyń ólimine qatysty ShQO men Pavlodar qalasynyń 1993, 1994 jyly týǵan eki turǵyny kúdikti retinde ustaldy.
Almaty qalasy ІІD habarlaýynsha, qylmystyq oqıǵa tanystardyń ózara janjalynan bastalǵan. Asa aýyr qylmysty jasaǵannan keıin kúdiktiler Almatydan qashyp ketkenimen Baıqońyrdan ustalǵan bolatyn.
