Almatyda tanymal vengrııalyq pıanıst Derd Oravets óner kórsetedi
ALMATY. 22 aqpan. QazAqparat /Názıra Eleýhan/ - Almatyda Jambyl atyndaǵy Qazaq memlekettik fılarmonııasynda 2-3 naýryz kúnderi tanymal vengrııalyq pıanıst, halyqaralyq baıqaýlardyń laýreaty Derd Oravets óner kórsetedi.
Kontsert fılarmonııanyń 75 jyldyǵy men Ferents Lısttiń 200 jyldyǵyna arnalyp, Vengrııa eliniń Eýropalyq Odaqqa tóraǵalyq etýi aıasynda ótedi.
Derd Oravets kontsertte «Danteni oqyǵanda» fantazııasyn, №9, 19 vengr rapsodııalaryn, Sh.Gýno-F.Lısttiń «Faýst» operasynan valsterdi, D.Shostakovıchtiń №5 sımfonııasyn jáne taǵy da basqa shyǵarmalardy oryndaıtyn bolady.
D.Oravets Býdapesht qalasynda 1963 jyly dúnıege kelgen. Mýzykaǵa áýestigi 8 jasynan bastalǵan. Ol 1981 jyly F.Lıst atyndaǵy konservatorııaǵa oqýǵa túsip, I.Lantosh jáne Z.Kochısh syndy professorlardan dáris alǵan. 1985 jyly óz elinde ótken pıanıster baıqaýynda alǵashqy jeńiske ıe bolyp, arnaıy stıpendııamen marapattalǵan.
