Almatyda tanymal kafeniń jazǵy terrasasy buzyldy
ALMATY. QazAqparat - Almatyda tanymal kafeniń jazǵy terrasasy buzyldy, sebebi memlekettik qorǵa tıesili jerge zańsyz salynǵan, dep habarlaıdy QazAqparat tilshisi.
Qala qurylysyn baqylaý basqarmasynyń málimetinshe, bul nysan boıynsha sot isi 2019 jyldan beri jalǵasyp keledi.
«2019 jyly mamandandyrylǵan aýdanaralyq ákimshilik sotynyń qaýlysymen menshik ıesi QR Ákimshilik quqyq buzýshylyq týraly kodeksiniń 319-baby boıynsha kináli dep tanylyp, aıyppul salyndy. Biraq bizdiń nysandy buzý týraly talabymyz eskerilmedi. Tek bıyl ǵana Almaty qalasynyń mamandandyrylǵan aýdanaralyq ekonomıkalyq sotynyń sheshimi negizinde zańsyz salynǵan jazǵy terrasany buzýǵa qol jetkizdik», - dep habarlady basqarmadaǵylar.
Búgin Gogol kóshesi № 169 mekenjaıynda ornalasqan nysandy buzý jumystary sot oryndaýshylarynyń qatysýymen júrgizildi.
