Almatyda «Talantty ustaz - daryndy balalarǵa» atty VI respýblıkalyq pedagogıkalyq olımpıada máresine jetti
ALMATY. 6 mamyr. QazAqparat /Názıra Eleýhan/ - Búgin Almatyda «Daryn» respýblıkalyq ǵylymı-praktıkalyq ortalyǵynyń uıymdastyrýymen ótken «Talantty ustaz - daryndy balalarǵa» atty VI respýblıkalyq pedagogıkalyq olımpıada máresine jetip, jeńimpazdar marapattaldy.
Esterińizge sala ketsek, atalmysh shara el táýelsizdiginiń 20 jyldyǵyn merekeleý jáne Qazaqstan Respýblıkasyndaǵy bilim berýdi damytýdyń 2011-2020 jyldarǵa arnalǵan memlekettik baǵdarlamasy aıasynda ótkizilgen bolatyn. Olımpıadanyń maqsaty - pedagogıkalyq mamandyq jáne kásibı pedagogıkalyq bilimniń mańyzdylyǵyn arttyrý, pedagogıka salasyna baǵyttalǵan talantty jastardy anyqtaý, daryndy balalarmen jumys jasaıtyn bilikti jas pedagogtardy anyqtaý, joǵary synyp oqýshylarynyń pedagogıkalyq qyzmetke kásibı ıkemdiligin aıqyndaý bolyp tabylady. Bilim saıysyna elimizdiń barlyq óńirinen iriktelgen 221 qatysýshy - joǵarǵy synyp oqýshylarynan 11 komanda (52 qatysýshy), gýmanıtarlyq kolledjderden 7 komanda (38 qatysýshy), stýdentterden 3 komanda (20 qatysýshy), 1 magıstrant, 84 mektep muǵalimderi, 13 psıholog mamany jáne 7 pedagog-uıymdastyrýshy, tárbıeshiler qatysty.
Olımpıada qorytyndysy boıynsha 13 joba - І orynǵa, 24 joba - ІІ orynǵa, 30 joba - ІІІ orynǵa laıyq dep tanylsa, 33 joba - maqtaý qaǵazdarymen marapattaldy.
