Almatyda taksıst sheteldikten 60 myń teńge talap etken

ASTANA. QazAqparat – AQSh-tan kelgen meıman, Steppe Global Education bilim berý ortalyǵynyń basshysy Djoel Erıkson Qazaqstanda óz isine adal emes taksısterge tap bolǵanyn aıtty, dep habarlaıdy QazAqparat tilshisi.

Djoel Erıkson Astanada ótken Baýyrlas qalalar forýmyna kelgen.

«Taksı júrgizýshisi meni aldamaq boldy, ıaǵnı avtokólikpen tasymaldaý qyzmetine tym kóp aqsha alǵysy keldi. Olar sheteldik ekenimdi biledi. Almatyǵa alǵash kelgenimde, áýejaıdan ortalyqqa jetkizý úshin olar 60 myń teńge alǵysy keldi. Árıne, bul somany tóleýden bas tarttym. Biraq taksıstiń bul pıǵyly durys bolmady», - dedi Djoel Erıkson.

Onyń paıymynsha, Qazaqstanda taksıge tapsyrys beretin arnaýly qosymshalardy kóptep engizý kerek.

«Atap aıtqanda, Qazaqstanda «ıAndekske» uqsas otandyq qosymshany damytý kerek. Eger sizderde mundaı aýqymdy otandyq qyzmet iske qosylsa, aqshanyń bir bóligi Reseıge ketpeı, osynda qalar edi. Bul turǵyda osydan kelgen tabysty ınvestıtsııa retinde ıgerýge bolady», - dedi ol.