Almatyda taksıst qyzǵa qaraqshylyq shabýyl jasaldy
Polıtsııa departamentiniń baspasóz qyzmetinen málim etkendeı, ıAndeks.taksıdiń júrgizýshisi bolyp jumys isteıtin 25 jastaǵy qyzǵa shabýyl jasalǵan. Túngi eki shamasynda ol shaqyrtýdy qabyldap, «Saıahat» aýdanyna jetkizý kerek bolǵan klıentterdi alyp ketedi.
«Onyń aıtýynsha, kólikke eki mas jigit otyrǵan. Kórsetilgen jerge jetkennen keıin olardyń bireýi qyzdyń moınyna buǵalyq salǵan. Taksıst qyz esinen tanyp, jolaýshylar otyratyn artqy oryndyqtyń astynda oıanady. Qyzdyń bank kartasy men telefonyn alyp, ony «Terekti» shaǵynaýdanynda kólikten tastap jibergen. Keıin júrgizýshi qyz polıtsııa shaqyrdy», - dedi PD-de.
Kelgen polıtseılerge ol kúdiktilerdiń belgilerin aıtyp berdi. Jedel-izdestirý sharalaryn júrgizý barysynda 1987 jáne 1998 jyly týǵan er adamdar ustaldy.
Atalǵan fakti Sotqa deıingi tergep-tekserýdiń biryńǵaı tizilimine engizilip, QR QK-niń 191-baby 2-bóligi 3-tarmaǵyna sáıkes qylmystyq is qozǵaldy. Kúdiktiler ýaqytsha ustaý ızolıatoryna qamaldy.