Almatyda taksıst bolǵan Tájikstan azamaty otanyna qaıtaryldy
ALMATY. QazAqparat - Almatyda taksıst bolyp, tabys taýyp júrgen Tájikstan azamaty otanyna jer aýdaryldy, dep habarlaıdy QazAqparat tilshisi.
Almaty qalalyq polıtsııa departamenti habarlaǵandaı, Almatyda kóshi-qon zańnamasyn buzý derekterin anyqtaý maqsatynda mobıldi toptar qurylǵan.
«Almatyda 22 jastaǵy M. esimdi azamat jolaýshylardy tasymaldaý qyzmetin paıdalana otyryp, tıisti ruqsatsyz jeke tasymaldaýmen aınalysqan. Qazirgi ýaqytta azamat QR ÁQbK-niń 517-baby 5-bóligimen ákimshilik jaýapkershilikke tartyldy. Mamandandyrylǵan aýdanaralyq ákimshilik sotynyń qaýlysymen Tájikstan azamaty 5 jyl merzimge elden shyǵaryldy», – dedi Medeý aýdandyq PB Kóshi-qon qyzmeti bóliminiń basshysy Tımýr Noǵaıbaev.
Sonymen qatar, tájikstandyq QR ÁQbK-niń 463-babyna sáıkes salyq salý salasyndaǵy quqyq buzýshylyqtary úshin de ákimshilik jaýapkershilikke tartylatyn boldy.
