Almatyda taksıst áýejaıdan qonaqúıge deıin sheteldikti 40 myń teńgege jetkizgen
ALMATY. QazAqparat - Áýejaıdan «Qazaqstan» qonaqúıine deıingi qyzmeti úshin amerıkalyq qonaqtan almatylyq taksı júrgizýshisi 40 myń teńge alǵan, dep habarlaıdy «QazAqparat» HAA tilshisi.
Taksı júrgizýshiniń baǵany tym asyra siltep jibergenin estigen qonaqúı qyzmetkerleri polıtsııaǵa qońyraý shalǵan.
Júrgizýshiniń kim ekenin birden anyqtap, ony polıtsııa bólimshesine shaqyrdyq. Sheteldik azamatshanyń baǵa mólsherin bilmeıtinin paıdalanyp, jolaqysyn kóterip jibergenin ol birden moıyndady,-dedi Medeý aýdandyq ІІB basshysy Bolat Totybaev.
Taksı júrgizýshisi 53 jastaǵy áıelge artyq alǵan aqshasyn qaıtaryp berdi. Sheteldik qonaq qazaqstandyqtardyń jasaǵan kómegine rızashylyǵyn bildirdi.
«Taksıstpen pikirlesip, oǵan mundaı jaǵdaılardyń el ımıdjine keri áserin tıgizetini jaıly túsindirme jumystaryn júrgizdik»,-dedi B. Totybaev.
