Almatyda taksıge avtobýs jolaǵymen júrýge ruqsat berilmek
ALMATY. QazAqparat– Almatyda taksı júrgizýshilerine avtobýs jolaǵymen júrýge ruqsat berilmek. Qala ákimdigi jolaýshylar tasymalymen aınalysatyn atalmysh qyzmet túrin jetildirý máselesin qarastyrýda, dep habarlaıdy QazAqparat tilshisi.
«Sońǵy jyldary Almaty turǵyndary taksı tasymaly sapasynyń tómendep ketkenine jıi shaǵymdanady: taksıdiń quny qymbattap, chek berilmeı, júrgizýshilerdiń dórekiligine baılanysty kóptegen daýlar týyndaýda.Taksı qyzmetiniń sapasyn arttyrý maqsatynda, sondaı-aq ashyqtyq pen saladaǵy kóleńkeli aqsha aınalymymen kúresý úshin qala ákimdigi taksı naryǵyn uıymdastyrý máselesin qaıta qarastyrýda. Soǵan baılanysty resmı tirkelgen taksoparkterdiń taksı kólikterine avtobýs jolaǵymen júrýge ruqsat berý josparlanýda. Odan kútiletin nátıje – taksı qyzmetiniń sapasy kóterilip, taksoparkterdiń tabysy ashyq bolady», - dep jazdy qala ákiminiń baspasóz hatshysy Áset Muqajanov Іnstagram-daǵy paraqshasynda.
