Almatyda taksı júrgizýshisine shabýyl jasaǵandar ustaldy
ALMATY. Qyrkúıektiń 6-sy. QazAqparat /Erbol Azanbek/ - Almatyda taksı júrgizýshisine shabýyl jasaǵan qaraqshylar ustaldy, dep habarlaıdy qalalyq ІІD-niń baspasóz qyzmeti.
Áýezov aýdandyq ІІB-niń bastyǵy, polıtsııa polkovnıgi Ábilǵazy Tólepbergenovtyń aıtýynsha jeke kóligimen adam tasýmen aınalysyp júrgen A.esimdi azamat Raıymbek dańǵyly boıynan 2 jigitti qala qonaq úıleriniń birine deıin jetkizip salý úshin alǵan. Alaıda jeter jerine jetken qos qorqaý aqsha tóleýdiń ornyna pyshaq kezenip, júk salǵyshqa jatýdy buıyrǵan. «Olardyń qolynan qashyp shyqqan júrgizýshi, jaqyn mańdaǵy janarmaı beketine jetip, qaraqshylyq shaýbyl týraly polıtsııaǵa habarlasqan. Qala boıynsha jedel «Ustaý» jospary jasalyndy, alaıda qaraqshylar buǵan deıin-aq ustaldy» deıdi polıtsııa polkovnıgi. Onyń aıtýynsha, qos qaraqshy urlanǵan kólikpen adam tasyp, aqsha tabýdy jón kóripti. Alaıda birneshe mınýttan soń kóshede apattyq jaǵdaı týdyryp, jol erejesin buzyp bara jatqan olardy jol polıtsııasynyń sholǵynshylary toqtatqan. Ustalǵandardyń ekeýi de mas bolyp shyqty. Birneshe saǵat buryn ǵana tanysqan Álimjan men Dmıtrıı ishimdikke sylqııa toıyp, artynan qyzyq oqıǵa izdegen kórinedi. Erteńine es jıǵan ustalǵandardyń bireýi mastyqtan osyndaı iske barǵanyn aıtsa, Dmıtrıı esimdi azamat buryn 9 ret isti bolǵanyn, qylmys jasamasa júre almaıtynyn aıtqan.
