Almatyda taksı júrgizýshisi men jolaýshy jaǵa jyrtysty
ALMATY. QazAqparat – Almatyda Saıran avtobeketi mańynda taksı júrgizýshisi men jolaýshy janjaldasyp qaldy, dep habarlaıdy QazAqparat tilshisi.
Vıdeo áleýmettik jelide taraldy. Qalalyq Polıtsııa departamentiniń habarlaýynsha, taksı júrgizýshisi men jolaýshy jolaqysyna qatysty kelispeı qalǵan.
Sóz talastyń arty tóbeleske ulasqan. Alaıda polıtsııaǵa eshkim júginbegen.
«Ýchaskelik ınspektor sol kezde daý týǵan jerde bolǵan. Daý ekeýdiń jolaqy kólemine baılanysty shyqty. Tóbelesten soń ekeýi de aýdandyq polıtsııa basqarmasyna jetkizildi. Qazir ýchaskelik ınspektor materıal jınap jatyr. Sodan soń ekeýiniń is áreketine quqyqtyq baǵa beriledi», - dedi qalalyq PD-nyń resmı ókili Saltanat Ázirbek.
Eske sala ketsek, munyń aldynda almatylyq júrgizýshilerdiń tóbelesi týraly jazǵan bolatynbyz. Olar janarmaı quıý beketinde kezekke talasyp qalǵan.
