Almatyda taksı júrgizýshi jol aqysyna 23 myń teńge alǵan
ALMATY. QazAqparat - Almatylyq taksı júrgizýshi jolaýshyny qala ortasyna jetkizgeni úshin 23 myń teńge alǵan. Bul týraly Almaty halyqaralyq áýejaıynyń Feısbýktegi paraqshasynda jarııalandy, dep habarlaıdy QazAqparat tilshisi.
Áýejaıdyń resmı seriktesi AportTaxi júrgizýshisi jolaýshy áıeldi áýejaıdan qalanyń ortalyǵyna deıin jetkizgeni úshin 23 000 teńge alǵan. Alaıda 17,5 myń teńgege chek bergen.
Mundaı óreskel zańbuzýshylyqtar týraly jolaýshylar jıi shaǵymdanady.
«AportTaxi Almaty áýejaıynyń resmı seriktesi ekeni ras. Onyń barlyq kólikterine fırmalyq logotıp basylǵan. Termınaldarda, avtoturaqta da olarǵa arnaıy oryndar bólingen. AportTaxi jolaýshylarynyń barlyǵy tólem týraly túbirtek alady», - dedi baspasóz qyzmetinen.
Qazir áýejaı basshylyǵy bul derekke qatysty ishki tekserý jumystaryn bastady. Habarlamada aıtylǵandaı, jolaýshyǵa berilgen túbirtek jalǵan bolyp shyqqan. AportTaxi túpnusqa túbirtegi ashyq jasyl tústi bolady.
Jolaýshy Reseı rýblimen tóleımin degende júrgizýshi qarsy bolmaǵan. Ol áıelge artyq tólengen aqshasyn qaıtarýǵa ýáde etti.
