Almatyda taksı tonaýmen aınalysqandar ustaldy
ALMATY. QazAqparat - Eki jas jigit toqtatqan taksıdiń ishindegi jolaýshylardy da, júrgizýshini de tonaý arqyly ońaı olja taýyp kelgen, dep habarlaıdy QazAqparat tilshisi qalalyq ІІD baspasóz qyzmetine silteme jasap.
Olar mejeli jerine jetkenshe salondaǵy uıaly telefondar men ámııandardy urlap otyrǵan.
«Kúdiktiler negizinen 200-300 teńge tólep, az qashyqtyqqa otyratyn bolǵan. Osy ýaqyt aralyǵynda salondaǵy barlyq múlikti alyp ketip otyrǵan. Keı kúnderi jumysqa jalǵyz shyqsa, eki kúnderi jubymen shyǵyp otyrǵan. Urlaǵan zattaryn lombardqa ótkizgen, al aqshany óz maqsattaryna jumsaǵan», - deıdi Almaly aýdandyq ІІB basshysy Danııar Mendebaev.
Polıtsııa urylardy arnaıy operatsııa arqyly ustaǵan.
Olardyń biri - 21 jastaǵy Almaty oblysynyń týmasy bolsa, ekinshisi - 19 jastaǵy Almaty turǵyny.
«Úlkeni buryn da kisi múlkin urlaǵany úshin isti bolǵan. Tek Almaly aýdanynyń ózinde osyǵan uqsas 10 qylmystyq epızodqa qatysy bar ekeni anyqtaldy. Basqa da qylmystarǵa qatysy tekserilip jatyr», - dedi podpolkovnık Mendebaev.
