Almatyda «Taǵylym» mádenı-ıntellektýaldyq klýbynyń TMD elderindegi mádenı saıasattyń strategııalary týraly májilisi ótedi
ALMATY. Aqpannyń 18-i. QazAqparat /Erlik Erjanuly/ - Almatyda aqpannyń 24-i kúni «Taǵylym» mádenı-ıntellekýaldyq klýbynyń «Neni salamyz: bekinis pe, álde arnaýly avtomobıl joldaryn ba?» degen taqyrypta TMD elderindegi mádenı saıasattyń strategııalaryn talqylaýǵa arnalǵan májilisi ótedi,
dep habarlaıdy QazAqparat.
Onda negizgi pikirsaıysshy Reseı Mádenıettaný ınstıtýtynyń dırektory, ónertaný ǵylymynyń doktory Kırıll Razlogov bolmaq. Bul májiliske mádenıettanýshylar, ǵalymdar, qoǵam jáne mádenıet qaıratkerleri qatysady dep josparlanýda. Alqaly jıynda - keńestik dáýirden keıingi keńistik, mádenı alýandyqty saqtaýǵa arnalǵan BUU-nyń bilim, ǵylym jáne mádenıet jónidegi uıymynyń (ıÝNESKO) jobalaryna sáıkes mańyzdy mádenı qurylystyń utymdy baǵytyn tańdaý jáne paıdalaný jaıy talqylanbaq.
«Taǵylym» mádenı-ıntellektýaldyq klýby Mádenı saıasat jáne ónertaný ınstıtýtynyń janynda qurylǵan bolatyn. Alǵashqy májilisi jeltoqsannyń 12-sinde ótken edi. Qańtardyń 14-i kúni bolǵan ekinshi otyrys «Qala mádenıeti men aýyl mádenıeti arasyndaǵy aıyrmashylyqtar» degen taqyrypta ótti.
