Almatyda taǵy qandaı kóshelerde avtobýs jolaǵy paıda bolady
ALMATY. QazAqparat - Almatyda taǵy 5 jol ýchaskesinde avtobýs jolaǵy paıda bolady. Bul týraly Qalalyq mobıldilik basqarmasy málimdedi, dep habarlaıdy QazAqparat tilshisi.
Qoǵamdyq kólik jolaqtary
1. Qulja tas jolynyń Rysqulov dańǵylynan Halıýllın kóshesine deıingi aralyǵynda;
2. Halıýllın kóshesi men Tátibekov kóshesinen bastap Raıymbek dańǵylynyń Jangeldın kóshesine deıingi aralyǵynda;
3. Momyshuly kóshesiniń Tóle bıden Móńke bı kóshesine deıingi aralyǵynda;
4.Súıinbaı kóshesiniń Hmelnıtskıı men Raıymbek batyr kóshesi aralyǵynda;
5. Soltústik aınalma jolynyń Rysqulov pen Moskvın kósheleriniń aralyǵynda paıda bolady;
«Bıyl uzyndyǵy 200 shaqyrym 283 kóshede jóndeý jumystary júrgiziledi. Onyń ishinde 60 shaqyrymdyq 91 kóshede jóndeý jumystary aıaqtaldy», - dedi Qalalyq mobıldilik basqarmasy.
