Almatyda taǵy eki adam astyrtyn jolmen qalaǵa kirýge tyrysqan
ALMATY. QazAqparat – Almaty polıtsııasy karantınge jabylǵan qala terrıtorııasyna ótpek bolǵan taǵy eki adamdy ustady, dep habarlaıdy QazAqparat tilshisi.
40-tan asqan oblys turǵyndary Qulja trassasynda ornalasqan baqylaý-ótkizý pýnktinen aınalma jolmen júrip ótip, qalaǵa kirgen. Sol arqyly Almaty qalasyna kirip- shyǵýdy shekteıtin arnaıy rejımdi buzǵan.
«Jumys nemese jeke sharýalar úshin qalaǵa kirýge aınalma jolmen ótýge tyrysýdyń qajeti joq. Azamattar úıine oralǵan kezde úıdegilerge vırýs taratyp, jaqyndary men týystaryna juqtyryp alýy múmkin ekenin túsinýi kerek. Qazirgi ýaqytta barlyq jasyryn joldar, alleıalar, aınalma joldar jabyldy, ol jaqta táýlik boıy polıtsııa men Ulttyq ulan jaýyngerleri kezekshilik etedi. Qalanyń arǵy betinde Almaty oblysyndaǵy áriptesterimiz de kezekshilikte. Qalaǵa kirý nemese shyǵý úshin zańǵa qaıshy áreketterge baratyn adamdar qatań jazalanady. Sanaly azamattar vırýs juqtyryp almaý úshin tipti úılerinen shyqpaıdy. Sondyqtan biz Almaty qalasy men Almaty oblysynyń turǵyndaryna úıde bolý jáne jaqyn adamdaryna ýaqyt bólýge keńes beremiz. Karantın rejıminde neǵurlym qatal bolsaq, soǵurlym tezirek aıaqtalady. Munyń bári ózimizge baılanysty», - dedi Almaty qalalyq polıtsııa departamenti bastyǵynyń birinshi orynbasary, polıtsııa polkovnıgi Nurlan Almasbekov.
Karantın rejimin buzǵandardyń taǵdyryn Almaty qalasynyń mamandandyrylǵan aýdanaralyq ákimshilik soty sheshedi. QR ÁQbK-niń 476-babynyń 1-tarmaǵyna sáıkes, rejım buzýshylar 15 táýlikke deıin ákimshilik qamaýǵa alynady.
Eske salaıyq, Almatyda bas memlekettik sanıtar dárigerdiń mindetin atqarýshynyń 18 naýryzdaǵy № 8 buıryǵyna sáıkes 19 naýryz 00:00-den bastap COVID-19 koronavırýs ınfektsııasynyń Qazaqstan Respýblıkasynyń basqa aımaqtarynyń aýmaǵy taralýyna jol bermeý maqsatynda adamdarǵa Almaty qalasyna kirip-shyǵýǵa tyıym salynǵan bolatyn.
