Almatyda taǵy da qosqabatty úı órtendi
ALMATY. QazAqparat - Almatyda Seıfýlın kóshesindegi №64 qos qabatty úıden órt shyqty.
Bul týraly qalalyq TJD baspasóz qyzmetiniń jetekshisi Gúlshat Dáýrenbekova habarlady.
Onyń aıtýynsha, órt tańǵy saǵat 4-te tutanǵan. Qyzyl jalyn birinshi qabattaǵy páterden bastalyp, 40 sharshy metr aýmaqty sharpydy.
Órt sóndirýshiler tilsiz jaýdy jarty saǵatta aýyzdyqtap úlgergen.
«Tótenshe jaǵdaı saldarynan 2 adam zardap shekti. Biri - osy úıdiń turǵyny aýrýhanaǵa barýdan bas tartty. Sondaı-aq, bas súıegine zaqym kelgen polıtsııa qyzmetkeri jaqyn mańdaǵy aýrýhanaǵa jetkizildi. 50 turǵyn qaýipsiz jerge kóshirildi», - dedi G.Dáýrenbekova.
Qazir órttiń neden tutanǵany anyqtalýda.
Esterińizge sala keteıik, bul birinshi tirkelgen jaǵdaı emes. Tamyz aıynyń ózinde Almatyda karkas-qamystan salynǵan 2 úıden órt shyqty.
Qazir órt saldarynan 50-ge jýyq adam baspanasynan aıyrylyp, kúrkeshikterde jan baǵyp júr.
