Almatyda taǵy da «bomba» izdestirilip jatyr
ALMATY. QazAqparat - Almatyda polıtsııa «Tumar» qonaq úıin qorshaýǵa aldy. Polıtsııa ǵımarattan jarylǵysh zat izdep jatyr, dep habarlaıdy QazAqparat tilshisi.
«Qazir qalanyń jedel qyzmet ókilderi qonaq úı kesheni men pıtstserııa jelisinde arnaıy tekserý jumystaryn júrgizýde. Bul ǵımaratta jarylǵysh zat bar degen aqparat keldi. Osyndaı jaǵdaıda atqarylatyn isterdiń algorıtmine səıkes, eń aldymen turǵyndar men qyzmetkerler qaýipsiz jerge kóshirildi. Jaqyn aradaǵy kólikter de qashyq jerge aýystyryldy. Polıtsııa departamenti osy sharalarǵa baılanysty turǵyndardan ýaqytsha qolaısyzdyqtarǵa túsinistikpen qaraýyn suraıdy»,- dedi Polıtsııa departamentiniń resmı ókili Saltanat Əzirbek.
Aıta ketý kerek, bul sońǵy eki kúnde polıtsııaǵa túsken úshinshi habarlama bolyp tur. Keshe polıtsııa túske deıin Shalıapın Altynsarın kósheleriniń qıylysyndaǵy pıtstserııadan jarylǵysh zat izdegen bolatyn. Sosyn tús aýa polıtsııaǵa Esentai mall saýda kesheninde jarylǵysh zat qoıyldy degen habarlama keldi.
Eki habarlama da jalǵan aqparat bolyp shyqty.
Polıtsııa mundaı buzaqylyq úshin qylmystyq jaýpkershilik qarastyrylǵanyn eskertedi. Aıyby dáleldengen jaǵdaıda qylmysker 6 jylǵa deıin bas bostandyǵynan aırylýy múmkin.
