Almatyda taǵy bir zeınetker avtobýsta jaraqat aldy
ALMATY. QazAqparat - Almatyda jolaýshy zeınetker áıel №34 avtobýstan qulap túsip jaraqat aldy. Bul týraly qalalyq Mobıldilik basqarmasynan málimdedi, dep habarlaıdy QazAqparat tilshisi.
Valentına Andreevanyń aıtýynsha, ol №34 avtobýstan shyǵarda qulap qalǵan. Sonyń kesirinen jaraqat alǵan.
«Atalǵan baǵdarǵa qyzmet kórsetetin «AvtoTransGaz» kólik kompanııasy jolaýshynyń emdelýine ketetin medıtsınalyq shyǵyndy óteýge mindetteme aldy. Al, oqıǵany polıtsııa qazir tekserip jatyr», - dedi basqarma ókilderi.
«AvtoTransGaz» basshylyǵy apta saıyn júrgizýshilerdiń jumysy tekserip, jol qaýipsizdigi kúni ótkiziledi dep sendirdi.
Sáýir aıynda osyndaı tekserýden soń jol erejesin buzǵan 2 júrgizýshi jumystan qýylǵan, 4 júrgizýshige sógis jarııalanǵan.
Aıta ketý kerek, osyǵan uqsas oqys oqıǵa 6 mamyrda bolǵan edi. №405 avtobýs júrgizýshi tejegishti kúrt basqanda jolaýshynyń bári zeınetker Aıjan Qarmenovanyń ústine qulaǵan. Sonyń kesirinen zeınetkerdyń aıaǵy synǵan.
