Almatyda taǵy bir qylmystyq álemniń «bedeldisi» ustaldy
ASTANA. Aqpannyń 10-y. QazAqparat /Aıdar Ospanalıev/ - Aqpannyń 2-si kúni Almaty qalalyq Іshki ister departamentiniń uıymdasqan qylmysqa qarsy kúres basqarmasynyń qyzmetkerleri arnaıy operatsııa barysynda 42 jasar qylmystyq álemniń «bedeldisin» qolǵa túsirdi.
Bul týraly búgin jýrnalalıstermen bolǵan aptalyq brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Ustalǵan azamat Almatyǵa Shý qalasynan kelgen. Tekserý barysynda odan oqtary bar revolver men 2 keli marıhýana tabyldy. «Tártip saqshylary sonymen qatar 2009 jyly «Leksýs-RX-570» kóligine qaraqshylyq shabýyl jasaǵan 23 jasar Almaty qalasynyń turǵynyn ustady. Al kólik Tájikstannan tabyldy. Qazirgi tańda osy qylmysqa qatysy bar ózge azamattardy qolǵa túsirý boıynsha arnaıy sharalar júrgizilýde», dedi departament bastyǵy.
