Almatyda taǵy bir kólik urlaýshylar toby quryqtady
ALMATY. Mamyrdyń 22-si. QazAqparat /Názıra Eleýhan/ - Almaty polıtseıleri qymbat kólikterdi urlaýmen aınalysqan toptardyń birin anyqtady,
dep habarlaıdy QazAqparat ІІD-niń baspasóz qyzmetine silteme jasap.
«Ázirge «krımınaldy úshtiktiń» negizgi basshysy ustaldy. Ol Almaty oblysy Úshtóbe qalasynyń turǵyny. Kólikti izdestirýde operatıvti basqarma ortalyǵynyń kameralary úlken kómek kórsetti. Onyń kómegimen urlanǵan kólikterdiń qaı jerde ketip bara jatqanyn bildik. Urlanǵan avtokólikti biz eki kún ishinde Talǵar aýdanynyń Besaǵash aýylynan taptyq. Urylar kólikti tanystarynyń úıine jasyrǵan", dedi Almaty qalasynyń ІІD-niń krımınaldy polıtsııa basqarmasynyń avtokólik qylmystaryn ashý bólimi basshysynyń orynbasary Rústem Úsenov.
Onyń aıtýynsha, ustaý kezinde baýkespelerden urlap áketken kóliktiń memlekettik nómiri jáne benzın quıylǵan kanıstr tárkilengen. "Jaýap alý barysynda bizge taǵy bir eki adamnyń qatysy bar ekendigi jáne birneshe kólik urlaǵandary belgili boldy. Qazir biz kúdikti adamdardyń osy jáne basqa da qylmystarǵa qatysy bar-joǵyn anyqtaýdamyz", dedi R. Úsenov.
