Almatyda taǵy bir esirtki saýdageriniń joly kesildi
ALMATY. 14 qazan. QazAqparat /Ádilet Musahaev/ - Almaty oblysy Jambyl aýdanynyń 37-jasar turǵyny zańsyz esirtki bıznesimen aınalysqan,
dep málimdedi Almaty qalasy ІІD-niń baspasóz qyzmeti.
Qylmysker tekserilgen, ári turaqty klıentterine tek marıhýana ǵana satyp otyrǵan. Onyń aıryqsha sıpaty da osy kórinedi.
«Biz azamat B-ny bir aıǵa jýyq nazarymyzda ustadyq. Onyń Almatyda turaqty meken-jaıy joq bolǵandyqtan, qalaǵa jaqyn mańdaǵy aýyldan dostarynyń úıinde qonaq bolyp kelip, jıi qonyp qalyp júrgen. Al óz kezeginde dostary onyń aınalysyp júrgen kásibinen múlde habarsyz ekendikteri keıinirek belgili boldy. Ádettegideı ol, kóknárdi tıisti shamada bólshektep orap, óz klıentterine qajetti mólsherin ǵana aldyn-ala qunttap, kezdesýge aldyn-ala daıyndalyp kelgen. Azamat B.-nyń sońǵy qylmystyq kelisimi Almatynyń Túrksib aýdanyndaǵy Súıinbaı dańǵyly men Kojedýb kósheleriniń qıylysynda belgilengen. Kelisilgen jerge kezdesýge on bes mınýt saıyn birden tórt satyp alýshy keldi»,- dedi bul istiń mán-jaıy jóninde Almaty qalasy ІІD Esirtki bıznesine qarsy kúres Basqarmasynyń bastyǵy, polıtsııa podpolkovnıgi Denıs Loskýtov.
Odan esirtki satyp alýshylardyń qajettilikteri árqıly bolǵan: bireýleri marıhýanany tek az mólsherde ǵana kerek etse, qaısybireýleri bir kezdesýde-aq epshil saýdagerden kóknárdi kóptep satyp alyp otyrǵan. Jalpy alǵanda sol keshte álgi azamat 50 gramm nasha satqan eken.
«Satylǵan esirtkiniń barlyǵy belgilengen zań tártibi boıynsha tárkilenip, QR QK 259-baby - esirtki quraldaryn zańsyz saqtaý men satý boıynsha qozǵalǵan qylmystyq iske tirkeldi. Qazir esirtki saýdageri qamaýǵa alyndy. Ol ózine taǵylǵan aıypty tolyǵymen moıyndap otyr. Endi bizdiń aldymyzda azamat B.-nyń esirtkini qaıdan alyp kelgendigin jáne onyń turaqty sybaılastarynyń anyqtaý mindeti tur. Sonymen qosa, eki jas balanyń ákesi esirtkige táýeldiler qatarynan bolyp shyqty»,- dep óz sózin tujyrymdady D.Loskýtov.
