Almatyda taǵy bir áıel kópqabatty úıdiń terezesinen sekirip ketti
ALMATY. QazAqparat - Almatyda taǵy bir áıel kópqabatty turǵyn úıdiń 5-shi qabatynan sekirip ketti. Qaıǵyly oqıǵa Jetisý yqsham aýdanynda boldy, dep habarlaıdy QazAqparat tilshisi.
Almaty qalasy polıtsııa departamentinde málimdegendeı, 1995 jyly týǵan T. esimdi áıel turǵyn úıdiń besinshi qabatynan sekirgen. Áıel tiri, qazir ol aýrýhanaǵa jatqyzyldy.
Oqıǵanyń mán-jaıyn anyqtaý barysynda áıeldiń ýlaný úshin dári-dármekter ishkeni anyqtaldy. Onyń bul jaǵdaıǵa barý sebebi erli-zaıyptylar arasyndaǵy ajyrasý protsesi bolýy múmkin.
«Oqıǵanyń tolyq derekteri anyqtalýda. Atalǵan fakti QR QK-nyń 105-baby boıynsha sotqa deıingi tergep-tekserýdiń biryńǵaı tiziliminde tirkeldi»,- dedi polıtsııa departamenti.
Al Qoǵamdyq densaýlyq saqtaý basqarmasynda áıeldiń jaǵdaıy turaqty aýyr ekenin málimdedi.
Aıta keteıik, mundaı jaǵdaı Almatyda birinshi ret bolyp turǵan joq. Osyǵan deıin biz Almatyda jas qyzdyń kópqabatty turǵyn úıden sekirdi.
«Jetisý» yqsham aýdanynda kópqabatty úılerdiń birinde áıel aldymen úsh balasyn laqtyryp, keıin ózi 9-qabattan sekirip ketkenin jazǵan bolatynbyz.
