Almatyda taǵy bir aqyly avtoturaq paıda bolady
ALMATY. QazAqparat - Almatyda 17 mamyrdan bastap Jibek joly kóshesi boıyndaǵy ýchaskelerdiń birinde aqyly avtoturaq iske qosylady, dep habarlaıdy QazAqparat tilshisi.
Avtoturaq Jibek joly kóshesiniń boıynda Jeltoqsan men Amangeldi kóshesiniń aralyǵynda ornalasqan. Aımaq nómiri - 1002.
«Avtoturaq sany - 61, múgedekterge arnalǵan oryndar sany - 5. Jańa aqyly ýchaske Jibek joly kóshesiniń boıynda Jeltoqsan men Amangeldi kósheleriniń aralyǵynda ornalasqan. Negizgi maqsat - turaq oryndarynyń sanyn birneshe ese arttyrý jáne barlyq azamattarǵa jalpyǵa ortaq qalalyq keńistikke teń quqyqtar berý», - dep habarlady Aparking kompanııasynan.
Aıta keteıik, 29 sáýirden bastap Almatynyń birneshe kóshesinde jańa aqyly avtoturaqtar jumys isteı bastady:
- T. Moldaǵalıev kóshesiniń boıynda Aqan Seri men Stasov kósheleriniń aralyǵynda;
- Stankevıch kóshesiniń boıymen Chernyshevskıı men J. Aımaýytov kósheleriniń aralyǵynda;
- Chernyshevskıı kóshesiniń boıymen Aqan Seri men Stankevıch kósheleriniń aralyǵynda.
