Almatyda taǵy 362 «Sergek» kamerasy ornatylady
ALMATY. QazAqparat – Almatyda jyl sońyna deıin 362 «Sergek» kamerasy ornatylady, dep habarlaıdy QazAqparat tilshisi.
Almaty qalalyq Polıtsııa departamentiniń basshysy Qanat Taımerdenovtiń málimetinshe, megapolıste 10 aıdyń qortyndysy boıynsha jol-kólik apaty 27,8%–ǵa tómendegen. Atap aıtsaq, jol kólik oqıǵasy saldarynan zardap shekkender 35,0%–ǵa, qaza tapqandar 48,6%–ǵa, jaraqat alǵandar 36,4%–ǵa azaıdy.
«Biz qalalyk ákimdikpen birlese otyryp, jol kólik oqıǵalarynyń aldyn-alý maqsatynda Almaty qalasy aýmaǵynda jol júrý jáne jol qaýipsizdigi máseleleri boıynsha 2021-2023 jyldarǵa arnalǵan keshendi jospardy ázirlep, bekittik. Atalǵan jospardyń júzege asýy kólik aǵymynyń ótimdiligin 25-30% arttyrsa, jol kólik oqıǵalarynyń sanyn 15-20% azaıtyp, ekologııalyq jaǵdaıdyń 10% jaqsarýyna septigin tıgizedi»,- deıdi departament basshysy.
Sonymen qatar, ol qalada 2050 beıne kamera ornatylǵanyn aıtty. Jyl sońyna deıin qosymsha taǵy da 362 kameralyq beket ornatý josparda.
