Almatyda taǵy 2 adam koronavırýstan jazylyp shyqty
ALMATY. QazAqparat – Almaty qalalyq Qoǵamdyq densaýlyq saqtaý basqarmasynyń basshysy Tileýhan Ábildaev koronavırýstyq ınfektsııaǵa baılanysty epıdemıologııalyq ahýal týraly aıtty, dep habarlaıdy QazAqparat tilshisi.
Onyń aıtýynsha, aýrýhanadan búgin taǵy 2 áıel aýrýdan jazylyp shyqty.
«Búgin ınfektsııalyq statsıonardan koronavırýstyq ınfektsııadan jazylǵan taǵy eki patsıent shyǵaryldy. Bul eki áıeldiń biri - 15 naýryzda Ystanbul-Almaty reısimen, ekinshisi 22 naýryzda Egıpetten ushyp kelgen», - dedi basqarma basshysy Tileýhan Ábildaev.
Jalpy, osy ýaqytqa deıin 13 adam saýyǵyp aýrýhanadan shyqty. Olardyń 2-eýi — bala.
