Almatyda taǵy 120 kóshege energııa únemdeıtin shamdar ornatylady
ALMATY. QazAqparat - Almatyda qaladaǵy qaýipsizdik sharalaryn qolǵa alý maqsatynda 120-dan astam kóshege LED-shamdar ornatylady, dep habarlaıdy QazAqparat tilshisi.
Qalalyq Energetıkalyq tıimdilik pen ınfraqurylymdyq damý basqarmasynyń habarlaýynsha, sońǵy birneshe jylda Almaty kósheleriniń jaryqtandyrylýynyń 30%-y jańa shamdarmen aýystyrylǵan bolatyn.
Jalpy alǵanda bolashaqta memlekettik jekeshelik əriptestik aıasynda 1400 shaqyrymǵa jýyq jelini aýystyryp, 42 myń baǵan, 46 myń LED-ekran ornatý josparlanyp otyr.
"Odan bólek jańa jaryqtandyrý shamdary 600 aýlada jarqyraıtyn bolady. Adamdarǵa yńǵaıly qala tujyrymdamasy aıasynda jaıaý júrgin jol bólikteri men trotýarlardy jaryqtandyrýǵa basa mən berilmek",- dedi qalalyq əkimdiktiń baspa óz qyzmetinen.
Mamandardyń aıtýynsha, jaryq dıodty shamdar basqalaryna qaraǵanda elektr energııasyn 2,5 ese az shyǵyndaıdy.
