Almatyda taǵy 100-ge jýyq «aqyldy» baǵdarsham iske qosyldy
Almaty qalalyq PD ákimshilik polıtsııanyń málimetine sensek, megapolıste jol qozǵalysyn basqarýdyń avtomattandyrylǵan júıesin (JQBAJ) jańǵyrtýdyń, qaıta qurýdyń jáne damytýdyń birinshi kezeńi boıynsha jumys aıaqtalyp, júıege 93 baǵdarsham qosyldy.
«Qazirgi kúni ÝPO ǵımarattaryn jóndeý jumystary aıaqtaldy, qyzmettik bólme men detektorlyq zerthana jabdyqtaldy, 93 baǵdarsham nysanynda Euro kontrollerler ornatyldy. JQBAJ-ǵa 357 baǵdarshamdy qosý boıynsha ekinshi kezeńdegi jumystar 2022 jylǵa josparlanǵan. Ekinshi kezeń aıaqtalǵannan keıin júıe naqty ýaqyt rejıminde baǵyttar boıynsha naqty qozǵalys qarqyndylyǵyn, statıstıkany esepteýdi jáne kólik qozǵalysy qarqyndylyǵyn taldaýdy, beıimdelý rejıminde keri sanaq taqtasynyń jumysyn eskere otyryp, qıylystardaǵy qozǵalysty retteýdi qamtamasyz etedi», – dedi Almaty qalalyq PD ákimshilik polıtsııa basqarmasynyń bastyǵy Nurlan Amanbek.
Ekinshi kezeńniń mańyzdy kórsetkishteri mynadaı:
Kólik ótkizý qabiletin arttyrý - 18-20%
Jol júrý ýaqytyn qysqartý - 15-25%
Jol boıyndaǵy aıaldamalar sanynyń azaıýy - 20-40%
Atmosferaǵa shyǵatyn shyǵaryndylar kólemin azaıtý - 7%
Janarmaı shyǵynyn azaıtý - 5-10%
Qoǵamdyq kólik qozǵalysynyń keshigýin azaıtý - 20-60%.
